Janë zbardhur detaje të reja nga ngjarja e rëndë që tronditi Greqinë këtë të diel, ku një 46-vjeçar shqiptar goditi për vdekje partneren e tij, pas një konflikti.
Mediet greke raportojnë se i plagosur ka ngelur dhe djali i bashkëshortes së shqiptarit, që e kishte nga një martesë më e hershme.
Djali 29-vjeçar ka hyrë në mes të çiftit për t’i ndarë e për të ndihmuar nënën e tij, ndërkohë që 46-vjeçari dhe viktima ishin duke zhvilluar një debat deri në tone të larta e më pas përfundoi me goditje.
I riu nuk ka mundur të shmang tragjedinë, ku veç vdekjes së 60-vjeçares, nënës së tij, edhe vetë djali ka marrë plagë. I riu ndodhet në spital, jashtë rrezikut për jetën, ndërsa autori është arrestuar nga policia greke. /vizionplus
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
