Zëdhënësja e Shtëpisë së Bardhë, Karoline Leavitt, ka deklaruar se ish-presidenti amerikan Donald Trump “vetëm ka shtuar një pyetje” kur ka përmendur idenë e ndryshimit të regjimit në Iran, në një postim të mëhershëm në platformën Truth Social.

“Nëse Irani vazhdon të refuzojë angazhimin në diplomaci, pse populli iranian të mos ngrihet kundër këtij regjimi brutal e terrorist? Kjo ishte pyetja që presidenti e shtroi mbrëmë,” tha Leavitt para gazetarëve.

Ajo shtoi se përkundër komenteve politike, qëndrimi ushtarak i SHBA-së nuk ka pësuar asnjë ndryshim.

Lidhur me sulmet amerikane të së shtunës mbi tri objekte bërthamore në Iran, Leavitt tha se ato “e kanë nxjerrë jashtë funksionit programin bërthamor iranian”. Megjithatë, kreu i Agjencisë Ndërkombëtare për Energjinë Atomike ka deklaruar më herët se ndërsa priten dëme të mëdha në objektin në Fordo, ende nuk është e mundur të vlerësohet plotësisht shkalla e dëmit në nëntokë.

E pyetur për rrezikun e mbylljes së Ngushticës së Hormuzit nga ana e Iranit — një rrugë jetike për tregtinë globale të naftës — Leavitt tha se SHBA po e monitoron nga afër situatën.

“Regjimi iranian do të ishte i pamatur nëse do të merrte një vendim të tillë”, tha ajo, raporton BBC, përcjell Insajderi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!