Njëjtë, shumë komentatorë nga Rusia mendojnë se mediet evropiane kanë një lloj antipatie ndaj Rusisë dhe Vladimir Putinit.

Ministria Ruse e Kulturës ka bërë të ditur se do të nisin studime dhe kërkime edhe mbi “Rusofobinë dhe de-Rusifikimin”, njofton KultPlus, transmeton Insajderi.

Sipas Moscow Times, Ministria do të shpenzojë 29 mijë dollarë për vitin e parë, që do të merret me ndalimin e diskursit kundër Rusisë – rusofob, brenda dhe jashtë Rusisë, si metodë për të përmirësuar imazhin e Rusisë si dhe për të ndihmuar rimëkëmbjen e shtetit.

Sipas Ministrisë drejtimi do të ndihmojë në shumë fusha të shtetndërtimit, si siguria nacionale apo interesi nacional. Shembull, filmi “Leviathan” që u nominua edhe për Oscars, me regjisor Andrey Zvyaginstev, është ndaluar në Rusi dhe konsiderohet “anti-rus”.

Njëjtë, shumë komentatorë nga Rusia mendojnë se mediet evropiane kanë një lloj antipatie ndaj Rusisë dhe Vladimir Putinit. /Insajderi.com