Numri i bizneseve të huaja dhe vendore që janë mbyllur ka shënuar rritje gjatë shtatëmuajshit të parë të këtij viti.

Sipas të dhënave nga Ministria e Tregtisë dhe Industrisë (MTI), gjatë periudhës janar – korrik 2016 në Agjencinë e Regjistrimit të Bizneseve në Kosovë (ARBK), janë shuar 1463 biznese vendëse dhe 30 të huaja.

Mirëpo, pos rritjes së numrit të bizneseve të shuara, rritje ka shënuar edhe numri i bizneseve të regjistruara.

Në mesin e sektorëve të cilët mbesin më atraktivë për zhvillim të biznesit janë bujqësia dhe tregtia.

Njohësit e çështjeve ekonomike kanë thënë për gazetën “Epoka e Re” se ambienti i të bërit biznes në Kosovë mbetet i pafavorshëm.