Shukri Buja, kandidati i Partisë Demokratike të Kosovës (PDK) për kryetar të Lipjanit, ka folur për vendimin e tij për t’u rikthyer në garën për të parin e këtij qyteti, të cilin e kishte udhëhequr për disa vite më parë.
Ai tha se kandidatura e tij është rezultat i kërkesës së qytetarëve, anëtarëve dhe ish-anëtarëve të partisë, përfshirë edhe strukturat e reja të saj.
“…edhe vet kryetari i degës, z. Rizani, dhe kryetari i partisë, z. Krasniqi. Por, ajo që më së shumti më ka shtyrë të kandidohem është amaneti i shokëve të mi që janë padrejtësisht në Hagë, amaneti i dy udhëheqësve të shtetit, dy udhëheqësve të partisë, z. Thaçi dhe z. Veseli. Prandaj jam rikthyer në politikë”, deklaroi Buja në një intervistë për emisionin FIVE në RTV Dukagjini.
Ai shtoi se rikthimi i tij në politikë është bërë edhe pas një bisede që ka zhvilluar me ta.
Sipas tij, pavarësisht situatës së ndjeshme politike, ai tashmë është në terren dhe në kontakt të drejtpërdrejtë me qytetarët.
“Pretendimi im është t’i dal zot punës sime, t’u ofroj qytetarëve vizionin tim, të flas me ta dhe t’u tregoj se si do të jetë Lipjani pas katër vitesh nën udhëheqjen time”, u shpreh Buja.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
