Me ministrin e Bujqësisë, Faton Peci, diskutimin në ‘Pressing’ e nisi gazetari Parim Olluri, lidhur me votimin e Vjosa Osmanit si presidente e vendit.

“Kush e ka bind Radojçiqin që mi leju këta dy (Hodza e Gashin) me votu Vjosa Osmanin”, ishte pyetja e Ollurit.

“Është interesant me pa një tendencë, edhe çështjen e komunikimit me Listën Srpska po edhe për tema tjera që lidhen me korrupsion ose diçka, shumica e opozitës aktuale sot vetëm po tentojnë me thanë edhe kjo qeveri është e korruptuar si na, edhe kjo ka negociu me Listën Srpska si na”, tha ministri Peci.

“Faktet po tregojnë që ju i keni lutë njerëzit e Listës Serbe e aq më keq Radojçiqin e famshëm për kriminalitet e terrorizëm dhe kjo dëshmon njëfarë varësie prej Listës Serbe…”, tha Olluri në Pressing.

Tutje ai kujtoi edhe deklaratën e kryeministrit të Kosovës, Albin Kurti, se kush bashkëpunon me persona që futen në listë të zezë duhet të futen po ashtu në listë të zezë.