Përderisa përfituesit e dikurshëm të tenderëve të Qeverisë Thaçi kanë marrë pozita më të larta në shtet, njerëzve që kanë udhëhequr degë të partisë në terren po i ofrohen pozita më të ulëta, shkruan Insajderi.
Luan Dalipi, përfituesi i tenderit afro 600 mijë eurosh nga Qeveria Thaçi, është bërë krahë i djathtë i kryeministrit Albin Kurtit dhe është emëruar shef i stafit të kryeministrit. Ndërsa Abedin Zeka që ka drejtuar degën e VV-se në Podujevë po përpëlitet nëpër konkurse për të zënë një vend pune si shofer.
Komuna e Podujevës e udhëhequr nga Shpejtim Bulliqi kishte shpallur konkurs pune për pozitën vozitës me 1 prill të këtij viti.
Kryetari i degës së VV-së në Llap, Abedin Zeka ka arritur të radhitet i pari në listën e ngushtë për të fituar postin e vozitësit në këtë komunë.
Zeka do t’i nënshtrohet më 27 maj testit me shkrim, ku edhe do të vendoset përfundimisht i denjë për këtë pozitë.
Abedin Zeka është një figurat kryesore të Lëvizjes Vetëvendosje-Dega në Podujevë. Tash e gjatë muaj Zeka mbanë pozitën e ushtruesit detyre të kryetarit të Qendrës së Lëvizjes Vetëvendosje në Besianë.
Aktivizim i tij për parti shihet të jetë tejet i madh, edhe pse në fund kur pushteti u fitua pikërisht nga partia e tij, siç duket nuk u shpërblye siç e meritonte.
Zeka kishte marrë pjesë në protestën e famshme “Një popull s’i nënshtrohet një njeriu”, që ishte mbajtur kundër presidentit Hashim Thaçi, në vitin 2018.
Po ashtu, Zeka kishte qenë edhe anëtarë i KZAQ-së, për mbikëqyrjen e procesit zgjedhor.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
