Sinisha Karan do të jetë kandidati i Aleancës së Social-Demokratëve të Pavarur për zgjedhjet e parakohshme presidenciale në Republikën Serbe të Bosnje-Hercegovinës, njoftoi kryetari i partisë, Millorad Dodik.

Dodik, ish-president i këtij entiteti serb, deklaroi për Radio-Televizionin RS se do ta propozojnë Karanin para partnerëve të koalicionit.

Karan ndodhet në listën e zezë të Departamentit amerikan të Thesarit për shkak të përfshirjes së tij në organizimin dhe festimin e ngjarjeve jokushtetuese të Republikës Serbe, raportojnë mediat boshnjake.

Ai është profesor i çështjeve kushtetuese dhe mban postin e ministër për Zhvillim Teknologjik dhe Shkencor në qeverinë jokushtetuese të Republikës Serbe.

Zgjedhjet e parakohshme janë caktuar për më 23 nëntor, pas revokimit të mandatit të Dodikut nga Gjykata e Bosnje-Hercegovinës, për shkak të mosbindjes ndaj vendimeve të Përfaqësuesit të Lartë ndërkombëtar. Ky vendim e ndalon Dodikun të ushtrojë ndonjë funksion publik për gjashtë vitet e ardhshme.

Fillimisht, partia e Dodikut kishte njoftuar se nuk do të paraqiste kandidat në zgjedhje, por më pas vendosi të marrë pjesë.

Nga ana tjetër, Partia Demokratike Serbe, më e madhe në opozitë, ka shpallur si kandidat për president Branko Bllanushën, profesor në Fakultetin e Inxhinierisë Elektrike në Banjallukë.

IN Promo Marketing

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!