Bazuar në raportin e fundit të Agjencisë së Statistikave të Kosovës, në Kosovë vitin 2015 kanë qenë 32.9 për qind të papunë.

Shkalla me e theksuar e papunësisë është te grupmoshat 15-24 vjeçare me 57.7%, ndërsa shkalla më e lartë e punësimit është te grupmoshat 35-44 vjeçare me 36.2%.

Sipas ASK-së, papunësia më e theksuar është te femrat me 36.6 %, krahasuar me meshkujt, 31.8%.

Sipas të dhënave të agjencisë, femrat  janë  të punësuara kryesisht në sektorët e arsimit dhe të shëndetësisë, me rreth 40% të tyre, ndërsa meshkujt janë kryesisht të punësuar në sektorët e prodhimit, tregtisë dhe ndërtimtarisë, me rreth 40%.

Për tu realizuar ky raport me këto statistika, Agjencia e Statistikave të Kosovës, ka pasur shtrirje në 600 qarqe regjistruese në tërë territorin e vendit, ku janë anketuar 4.800 ekonomi familjare, të përzgjedhura sipas metodës së rastit nga korniza e Regjistrimit të Popullsisë, Ekonomive Familjare dhe Banesave.