Shpat Ukella, vëllai i Gjyljeta Ukellës, e cila u vra mizorisht nga bashkëshorti i saj, Edmond Lajçi, ka reaguar pas vendimit të Gjykatës së Apelit, që la në fuqi dënimin me burgim të përjetshëm ndaj Lajçit.

Përmes një postimi në Facebook, Ukella tha se vendimi i Apelit është një formë lehtësimi për dhimbjen e familjes së tyre.

“Gjykata e Apelit e tha vendimin final që s’ka si të jetë ndryshe, veç burgim i përjetshëm për ata që vrasin gruan. Për ne si familje, ky vendim na ka lehtësuar sadopak dhimbjen që ndiejmë për motrën tonë dhe falënderojmë organet për vendimin e marrë”, shkroi ai.

Gjykata e Apelit e ka vërtetuar aktgjykimin e mëhershëm të Gjykatës Themelore në Pejë – Departamenti për Krime të Rënda, duke e cilësuar të drejtë dënimin me burgim të përjetshëm për Edmond Lajçin. Apeli gjithashtu ka refuzuar si të pabazuar ankesën e mbrojtësit të të akuzuarit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!