Një person është arrestuar mëngjesin e së shtunës në Prishtinë, nën dyshimin se ka kryer sulm seksual.

Policia e Kosovës me anë të raportit ditor ka njoftuar për një gjë të tillë, ku ka bërë të ditur se i dyshuari është mirëmbajtës i një objekti banesor, shkruan Gazeta Insajderi.

Në bazë të përshkrimit të raportit policor, i dyshuari në bodrumin e objektit banesor e ka prekur viktimën në pjesë të ndryshme të trupit.

“Prishtinë / 03.08.2024 – 09:00. Është arrestuar i dyshuari mashkull kosovar- mirëmbajtës i objektit banesor, nën dyshimin   se i njëjti në bodrumin e objektit banesor e ka ngacmuar-sulmuar seksualisht  duke prekur në disa pjese të trupit viktimën femër kosovare”, thuhet në njoftim.

Me vendim të prokurorit i dyshuari është dërguar në mbajtje, njofton policia. /Insajderi.org/