Lëvizja Studentore për Barazi, “Studim, Kritikë, Veprim” ka hedhur akuza ndaj rektorit të Universitetit të Prishtinës se ka emëruar kundërligjshëm Drejtor të Zyrës Ligjore sekretarin e shkarkuar, Esat Kelmendi.

” Z. Kelmendi, një nga përgjegjësit kryesor për gjendjen në të cilën ndodhet Universiteti kryesor publik në vend, nuk mbeti shumë gjatë i papunë. Atë e rehatoi pas katër ditëve Rektori i UP-së, Prof. Dr. Naser Sahiti, i cili kishte bërë mjaftë përpjekje që z. Kelmendit t’i vazhdohet edhe një mandat në pozitën e Sekretarit”, thuhet në reagimin e SKV-së.

Video

Reagimi i plotë:

REKTORI I UP-SË EMËROI KUNDËRLIGJSHËM DREJTOR TË ZYRËS LIGJORE SEKRETARIN E SHKARKUAR

Më 24 janar, Këshilli Drejtues i Universitetit të Prishtinës “Hasan Prishtina” mori vendim që të mos i vazhdohet mandati ish-sekretarit të UP-së, Esat Kelmendi.

Z. Kelmendi, një nga përgjegjësit kryesor për gjendjen në të cilën ndodhet Universiteti kryesor publik në vend, nuk mbeti shumë gjatë i papunë. Atë e rehatoi pas katër ditëve Rektori i UP-së, Prof. Dr. Naser Sahiti, i cili kishte bërë mjaftë përpjekje që z. Kelmendit t’i vazhdohet edhe një mandat në pozitën e Sekretarit.

Sipas vendimit të datës 28/01/2022, me numër të protokollit 118, Rektori e sistemoi Ma. sc. Esat Kelmendin në pozitën e Drejtorit të zyrës ligjore të UP-së. Ky emërim bie në kundërshtim të nenit 18, të ligjit me nr.06/L-011 për parandalimin e konfliktit të interesit në ushtrimin e funksionit publik.

Krejt kjo bëhet edhe më skandaloze kur dihet fakti që Universiteti i Prishtinës nuk ka pasur Drejtor të zyrës ligjore qe katër vite, ani pse kjo ishte paraparë me rregulloren për organizim të brendshëm të vitit 2017.

Parlamenti Studentor? Meqenëse udhëhiqet nga UDS, forum rinor i PDK-së, ata kanë dërguar letër në mbrojtje të z. Kelmendit (të cilën do ta publikojmë së shpejti). Pra, asnjë befasi. Skandal në vete.

Ky vendim është një dëshmi e pastër për kapjen që i është bërë Universitetit tonë tash e sa vite. Ftojmë organet që të ndërmarrin hapa të shpejtë e konkret në përputhje me kompetencat e tyre, përndryshe protestat do të jenë të pashmangshme.

KAPITULLI IV

KUFIZIMET PAS USHTRIMIT TË DETYRËS PUBLIKE

Neni 18

Kufizimet e zyrtarit të lartë pas përfundimit të ushtrimit të detyrës publike

1. Zyrtari i lartë nuk ka të drejtë:
   1.1. të punësohet ose të emërohet, për një periudhë deri në dy (2) vjet pas përfundimit
   të funksionit publik, në pozitë udhëheqëse ose menaxhuese, apo të përfshihet në
   kontrollin ose auditimin e institucioneve publike dhe private dhe institucioneve vartëse
   të tyre të cilat kanë marrëdhënie biznesi me institucionin ku ka ushtruar funksionin
   publik, nëse detyrat e tij gjatë periudhës dy-vjeçare para përfundimit të ushtrimit të
   funksionit publik kanë qenë drejtpërdrejtë të lidhura me mbikëqyrjen, kontrollin apo
   sanksionimin e aktivitetit të tyre;
   1.2. të përfshihet në marrëdhënie kontraktore, drejtpërdrejt ose nëpërmjet ndonjë
   personi të afërm ose të besuar, me institucionin ku ka ushtruar funksionin publik për një
   periudhë deri në dy (2) vjet pas përfundimit të funksionit publik;
   1.3. të përfaqësojë, ndihmojë ose këshillojë ndonjë person fizik ose juridik, drejtpërdrejt
   GAZETA ZYRTARE E REPUBLIKËS SË KOSOVËS / Nr. 5 / 27 PRILL 2018, PRISHTINË
   62
   LIGJI Nr. 06/L -011 PËR PARANDALIMIN E KONFLIKTIT TË INTERESIT NË USHTRIMIN E FUNKSIONIT PUBLIK
   ose nëpërmjet ndonjë personi të afërm ose të besuar, në një konflikt ose marrëdhënie
   biznesi me institucionin, për detyrën që ai ka kryer ose që është në vazhdimësi të saj
   për një periudhë deri në dy (2) vjet pas përfundimit të funksionit publik; dhe
   1.4. të përdorë informacionin e privilegjuar ose konfidencial të siguruar gjatë ushtrimit
   të funksionit publik për qëllime e punësime të tjera në të ardhmen për interesin privat
   të vet ose të një personi të afërm apo të besuar për një periudhë deri në dy (2) vjet pas
   përfundimit të funksionit publik.
2. Institucioni në të cilën zyrtari i lartë ka ushtruar funksion publik nuk mund të bëjë biznes deri
   në një vit nga mbarimi i funksionit publik me subjektin në të cilin ish-zyrtari, personi i afërm me
   të apo personi i besuar kanë një pjesëmarrje prej jo më pak se pesë përqind (5%) në të drejtat
   e themeluesve, menaxhimin apo kapitalin, si me pjesëmarrje të drejtpërdrejtë ose nëpërmjet
   pjesëmarrjes së personave të tjerë juridikë.
3. Institucioni në të cilin zyrtari i lartë ka ushtruar funksion publik duhet, sa më parë por jo më
   vonë se tridhjetë (30) ditë, të informojë Agjencinë për ndonjë nga rrethanat e përmendura në
   paragrafin 1. të këtij neni.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”