“Slack Technologies” publikoi një version të ri të aplikacionit popullor për bizneset dhe sipërmarrjet Slack me shpresën se do të sigurojë më shumë kontrata korporatash.

Shërbimi i prezantuar ditën e martw në San Francisco është dieznjuar për të përmbushur të gjitha nevoja e komunikimit të një kompanie me qindra dhe mijëra punonjës.

Slack Enterprise Grid sjell disa funksione të reja sigurie të cilat janë një domosdoshmëri për departamentet e teknologjisë së informacionit.

Aplikacioni origjinal i Slack dedikohej kryesisht grupeve të punës në kompani dhe biznese të vogla por që kjo nuk e ka penguar të sigurojë kontrata nga Electronic Arts dhe Samsung.

Adoptimi i shpejtë i Slack inkurajoi investitorët të dërgonin vlerën e tij në 4 miliard dollar vitin e kaluar. Por shumica e kompanive të mëdha ishin skeptikë për migrimin e plotë drejt Slack pikërisht për shkak të mungesës së funksionaliteteve të avancuara të sigurisë.

Konkurrenca në këtë hapësirë nuk mungon. Microsoft, Facebook, Google dhe Atlassian kanë që të gjithë produktet e tyre të ngjashme. Slack numëron 5 milion përdorues ditorë nga ku 1.5 milion janë me pagesë.

Slack është një platformë ku punonjësit mund të dërgojnë mesazhe, të bashkëpunojnë, organizojnë dhe shpërndajnë skedarë. Teknologjia është e integruar edhe me shërbime nga palë të treta si Salesforce dhe Skype.