Sokol Havolli është emëruar drejtor i Drejtorisë së Infrastrukturës në Komunën e Prishtinës, të udhëhequr nga kryetari Përparim Rama, shkruan Insajderi.

Lajmin e ka bërë të ditur vetë Havolli përmes një postimi në Facebook, ku ka theksuar përkushtimin e tij për të përshpejtuar realizimin e projekteve infrastrukturore në kryeqytet.

“Që nga e hëna, i jam bashkuar ekipit të kryeqytetit si Drejtor i Infrastrukturës, një përgjegjësi që me përkushtim të plotë dhe me fokus do ta orientoj për të rritur dinamikën e realizimit të projekteve”, ka shkruar ai.

Havolli ka falënderuar kryetarin Rama për besimin dhe ish-drejtorin Krenar Xhaferi për punën e tij të deritanishme në këtë sektor.

“Aktualisht, shumë projekte janë të hapura dhe në proces, dhe synimi im është që ato të përfundojnë sa më shpejt, me dinamikë të lartë dhe efikasitet maksimal,” ka shtuar ai.

Ai ka potencuar se përshpejtimi i zhvillimit të infrastrukturës në Prishtinë do të jetë një nga prioritetet kryesore të punës së tij në pjesën e mbetur të mandatit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!