Kandidati për deputet nga LDK, Sokol Havolli, ka theksuar rëndësinë e zhvillimit të qendrës së skijimit në Brezovicë si një mundësi e madhe për transformimin e turizmit dhe rritjen ekonomike të Kosovës.

Ai tha se nën udhëheqjen e Kryeministrit Lumir Abdixhiku do të realizohen:

Zgjerimi dhe modernizimi i shtigjeve të skijimit sipas standardeve më të larta evropiane;

Instalimi i teleferikëve të rinj dhe teknologjisë më të fundit;

Ndërtimi i qendrave moderne hotelierike dhe shërbimeve për turistët.

Sipas Havollit ky projekt do të sjellë përfitime të shumta, përfshirë krijimin e vendeve të reja të punës dhe zhvillimin e qëndrueshëm ekonomik për rajonin.

40’shi i LDK-së ka theksuar se Brezovica nuk është thjesht një vend turistik, por një mundësi për ndryshime të mëdha dhe për krijimin e një të ardhmeje më të ndritur për qytetarët e Kosovës.