Deputeti nga radhët e Aleancës për Ardhmërinë e Kosovës, Besnik Tahiri ka thënë se sot 12 vite ishte marrë vendimi historik për UÇK-në. Kjo pasi sot mbushen 12 vite nga lirimi nga të gjitha pikat e akuzave të ish-kryeministrit të Kosovës, Ramush Haradinaj me bashkëluftëtarët e tij, Lahi Brahimaj dhe Idriz Balaj.

Tutje, sipas Tahirit, Ramush Haradinaj me bashkëluftëtarë dëshmoi më së miri se si duhet vënë interesat e Kosovës para interesave personale.

“Pavarësisht gjithë vështirësive dhe procesit të stërzgjatur Ramush Haradinaj me bashkëluftëtarë dëshmoi më së miri se si duhet vënë interesat e Kosovës para interesave personale”.

Postimi i plotë i Besnik Tahirit.

Vendimi historik për UÇK-në

Sot, mbushen 12 vite nga lirimi nga të gjitha pikat e akuzave të ish-kryeministrit të Kosovës, Ramush Haradinaj me bashkëluftëtarët e tij, Lahi Brahimaj dhe Idriz Balaj. Pas një procesi maratonik, kryetari Haradinaj me shokë u shpallën të pafajshëm për të dytën herë nga të gjitha akuzat.

Pavarësisht gjithë vështirësive dhe procesit të stërzgjatur Ramush Haradinaj me bashkëluftëtarë dëshmoi më së miri se si duhet vënë interesat e Kosovës para interesave personale.

Jam krenar që gjatë këtyre 7 viteve shumë të vështira isha i palëkundër dhe përherë afër Ramushit.