Rivarrimi i trupit të Liridona Ademaj do të bëhet sot në varrezat e fshatit Rracaj të Komunës së Gjakovës.

“Njoftim mortor nga familja Ademaj. Familja Ademaj njofton miq, shokë e dashamir se rivarrimi i vajzës tonë Liridona Ademaj e vrarë me datën 29.11.2023 bëhet me datë 4 dhjetor 2023 në varrezat e fshatit Rracaj në ora 14:00”, thuhet në njoftimin e faqen e fshatit Rracaj.

Familjarët e Liridona Ademaj bënë dje kërkesë tek prokurorja Besa Limani për zhavrrosjen dhe rivarrosjen e trupit të së ndjerës.

Në dokumentin që siguroi Insjaderi nga familjarët e Liridonës, kërkohej që varrimi të mbetet krejtësisht privat.

“Kërkojmë nga ju që të na mundësoni që trupin e vajzës tonë Liridona Ademja ta zhvarrosim dhe ta rivarrosim në fshatin Rracaj. Do ta vlerësonim nëse kërkesën tonë do ta aprovoni në procedurë të shpejtuar”.

“Përmes policisë të na siguroni privatësi të plotë dhe kërkojmë që pamjet e varrimit të mbesin krejtësisht private”, thuhej në dokument.

Liridon Ademaj, familjari i së ndjerës Liridona Ademaj, konfirmoi se trupi i së ndjerës do të zhvarroset nesër.

Ademaj këtë e ka konfirmuar shkurtimisht për Insajderin, duke thënë se kanë pranuar vendimin për këtë dhe se procesi i ri-varrimit do të bëhet nga ora 14:00. /Insajderi.org/