Serbia zyrtarisht ka miratuar edhe vaksinën e tretë kundër koronavirusit. Leja është dhënë për 100.000 doza të vaksinës kineze prej gjithsej një milion të cilat kanë arritur nga Kina në Serbi fundjavën e kaluar. Leja është miratuar mbrëmë, një ditë para se të fillohet me vaksinim masiv të popullsisë.

Grupet e ardhshme prioritare janë pjesëtarët e MPB, ushtrisë serbe dhe përfaqësuesit e mediave, por edhe punëtorët e arsimit, të cilët dje janë kthyer në katedra.

Në ndërkohë kanë filluar punën 17 qendra komunale për vaksinim në Beograd, dhe njëkohësisht është paralajmëruar se salla e sporteve në Krushevc do të jetë një prej pikave për vaksinim masiv./Insajderi.org.