Kjo e martë mund të jetë vendimtare rreth asaj se a do të largohet nga burgu apo të vazhdojë aty Dani Alves. Këtë do ta vendos sot gjykata e Barcelonës.

Mbrojtja ligjore e ish-futbollistit brazilian ka kërkuar masën e lirimit ndërkohë që nuk ka një vendim përfundimtar dhe ky vendim do të merret në seancën e caktuar për këtë të martë.

Më 8 mars, avokati i Alves, Ines Guardiola, paraqiti ankesën kundër dënimit të Gjykatës së Barcelonës, përveç kërkesës për të mbajtur një seancë dëgjimore për të zgjidhur lirimin e personit të dënuar derisa të ketë një dënim krejtësisht zyrtar.

Futbollisti 41-vjeçar është në prag të vuajtjes së një të katërtës së dënimit, gjë që do t’i mundësonte të fillonte aplikimin për leje burgu.

Përveç vuajtjes së dënimit me katër vjet e gjysmë, Gjykata e Barcelonës vendosi për Dani Alves një gjobë prej 150,000 eurosh si kompensim, lirim të mbikëqyrur për pesë vjet pas daljes nga burgu dhe ndalimin e afrimit me viktimën gjatë një periudhe prej nëntë dhe nëntë vjetësh e gjysmë.