Sot fillon zyrtarisht fushata zgjedhore në komunat të cilat kanë shkuar në balotazh.

Siç ka vendosur Komisioni Qendror i Zgjedhjeve, kjo fushatë do të zgjasë vetëm pesë ditë.

“Fushata zgjedhore për subjektet politike dhe kandidatët që do të garojnë në rundin e dytë, do të jetë 5 ditore, do të fillojë më 8 nëntor dhe do të përfundojë më 12 nëntor”, thuhet në njoftimin e KQZ-së.

Rundi i dytë i zgjedhjeve për kryetarë të 21 komunave do të mbahet të dielën, më 14 nëntor.