Zëdhënësi i Bashkimit Evropian, Peter Stano, ka thënë se do të bëjë me dije datën që do të caktohet për takimin e ardhshëm në nivel të kryenegociatorëve, në kuadër të dialogut Kosovë-Serbi.

Në një konferencë për media, ai sot ka pohuar se ka shumë çështje që do të duhen të diskutohen.

“Takimet i paralajmërojmë kur të jetë e përshtatshme. Zakonisht takimet e nivelit të kryenegociaotorëve nuk i paralajmërojmë për media”.

“Por nuk mundem tani të paralajmërojë ndonjë datë, qëllimi ynë është që të kemi sa më parë një takim në nivel të kryenegociatorëve, janë shumë çështje që duhet të zgjidhen në tavolina apo duhen diskutuar”, ka thënë Stano.