Në kohën kur kanë nisur gërmimet për varrezë të dyshuar në kampusin e Universitetit të Prishtinës, ku pranë aty është e ndërtuar edhe një kishë ortodokse e ndërtuar gjatë kohës së Sllobodan Millosheviqit, po kërkohet që të funksionalizohet.
Këtë kërkesë e ka bërë sot zëvendëskryeministri i Kosovës Branimir Stojanoviq, i cili vjen nga Lista Serbe.
Ai ka marrë pjesë në fillimin e gërmimeve për varrezë të dyshimtë në këtë pjesë.
Me këtë rast ia ka thënë se serbët nuk janë kundër verifikimit të varrezës masive në kampusin e Universitetit të Prishtinës, por është shprehur kundër politizimit të kishës ortodokse që gjendet në këtë kampus.
Stojanoviq ka shfaqur nevojën e serbëve për këtë kishë, duke kërkuar që të mos i referohen si Kisha e Millosheviqit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
