Dëme tepër të mëdha me pasoja fatale për disa kafshë ka shkaktuar një stuhi e fortë mbrëmë e shoqëruar me reshje shiu dhe breshëri në disa pjesë në afërsi të Vukovarit në Kroaci.
Siç raportojnë mediat rajonale, N1 dhe Index, stuhia ka goditur më së shumti komunën e Boshnjacit dhe qytetet Zhupanja dhe Vinkovci.
Breshëri i ka thyer xhamat e shtëpive dhe i ka shpuar çatitë e fasadat e tyre.
Lindja e Kroacisë u dëmtua më së rëndi, me çatitë dhe fasadat e shtëpive që u shpuan, e me shumë vetura të thyera, serra të shkatërruara e të mbjella të dëmtuara plotësisht.
Disa pamje të bëra nga një dron u publikuan sot, ku shihen çatitë e shkatërruara e vrimat e mëdha në tjegulla.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
