Një person ka ndërruar jetë dhe dy persona të tjerë janë plagosur, si pasojë e një sulmi me thikë dhe çekan, në një rrugë në qendër të Parisit.

Sulmi raportohet pranë Kullës Eiffel, rreth orës 21:00, të shtunën.Pas ngjarjes, u vu në pranga një shtetas francez, 26-vjeçar, i njohur për autoritetet e sigurisë, dhe prokurorët kanë nisur hetimet.

Viktima ishte shtetas gjerman, konfirmojnë zyrtarët. Ministri i Brendshëm francez, Gerald Darmanin, tha se viktima, e lindur më 1999, ka qenë me gruan e tij, kur është sulmuar për vdekje.

Sipas tij, gruaja u shpëtua pas ndërhyrjes së një shoferi taksie, dhe i dyshuari u largua drejt lumit Sena.

French police arrest Islamic terrorist in Paris who killed one person and injured two shouting "Allah Akbar". pic.twitter.com/B5xR1CbsNd

— RadioGenoa (@RadioGenoa) December 3, 2023

Burri, më pas, ka sulmuar edhe dy njerëz tjerë, njërin në sy me çekan. Të dy ndodhen në spital, janë jashtë rrezikut për jetën.

Sipas Darman, i dyshuari është dëgjuar duke bërtitur “Allahu Akbar (Zoti është më i madhi)” dhe i para policive është shprehur i mërzitur sepse “shumë myslimanë janë duke vdekur në Afganistan dhe Palestinë”.

Autori i dyshuar ka vuajtur më herët katër vite heqje lirie, për një tjetër sulm më 2016, dhe ka qenë në listën e vëzhgimit të shërbimeve të sigurisë.

Un homme tué à Paris: Gérald Darmanin se rend sur place

➡ Le suspect a été interpellé, il est Français et né en France
➡ Il s'en prenait à des passants avec une arme blanche, aux abords de la tour Eiffel
➡ L'assaillant était fiché S et a crié "Allahou Akbar" pic.twitter.com/KmafdpLeDz

— BFMTV (@BFMTV) December 2, 2023