Në sulmin me bombë ndaj njësisë patrulluese të forcave të sigurisë të kryer në al-Qatif, në lindje të Arabisë Saudite është vrarë një pjesëtar i forcave të sigurisë dhe janë plagosur dy të tjerë.

Zëdhënësi i Ministrisë së Brendshme, Mansour et-Turki, ka thënë se gjatë natës ka pasur një sulm në lagjen Mansur.

Në sulmin, të cilin et-Turki e cilësoi si terrorist, u vra majori Tarik bin Abul-llatif al-Alak. Pjesëtarët e plagosur të forcave të sigurisë nuk janë në rrezik jete, raporton AA.

Në Qatif, ku kryesisht jeton popullsia shiite shpesh ndodhin sulme terroriste.