Zyrtarët e qytetit të Nju Jorkut, kanë njoftuar se një person i armatosur me një pushkë ka vrarë katër persona brenda një ndërtese në Manhattan – ku ndodhet selia e NFL-së dhe zyrat e disa firmave të mëdha financiare – dhe më pas ka qëlluar veten për vdekje.

Nga raportimi i Reuters, bëhet e ditur se një nga katër viktimat ishte një oficer 36-vjeçar i Departamentit të Policisë së Nju Jorkut, i cili kishte emigruar në SHBA nga Bangladeshi, transmeton Insajderi.

Autoritetet nuk kanë dhënë shumë detaje mbi tre viktimat e tjera – dy burra dhe një grua. Ndërkohë, komisionerja e Policisë së Nju Jorkut, Jessica Tisch, ka bërë të ditur se autori i sulmit ishte identifikuar si Shane Tamura, 27 vjeç, banor i Las Vegasit, me një histori të sëmundjeve mendore.

Sulmi ka ndodhur gjatë mbrëmjes, në hollin e ndërtesës në Park Avenue në Midtoën Manhattan, dhe më pas autori ishte ngjitur me ashensor në katin e 33-të, në zyrat e një kompanie menaxhimi, ku kishte vazhduar të qëllonte, derisa ia kishte drejtuar armën vetes duke u qëlluar në gjoks.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!