Një grua ka shpërthyer rripin e saj me eksplozivë në një market në lindje të qytetit Kerbala të premten, duke vrarë së paku 30 persona dhe plagosur 35 të tjerë, kanë thënë burime të sigurisë irakiane.

Shteti Islamik ka deklaruar të jetë përgjegjëse për sulmin në qytetin Musayab në jug të Bagdatit, në një deklaratë në agjencinë e tyre të lajmeve Amaq. Nuk kanë identifikuar sulmuesin, raporton Reuters.

Një oficer sigurie ka thënë se sulmuesi ka qenë grua e cila kishte fshehur bombën nën veshjen e zakonshme e cila mbulin tërë trupin

Të mbështetura nga koalicioni i udhëhequr nga Shtetet e Bashkuara, forcat e Irakut janë në ofensivë për t’i përzënë militantët e Shtetit Islamik nga Mosuli, që është qyteti i dytë për nga madhësia në Irak, shkruan REL.

Pjesa lindore e këtij qyteti është shpallur e çliruar në muajin janar të këtij viti, ndërsa menjëherë pas këtij zhvillimi, ka filluar operacioni për pjesën perëndimore.

Këto dy pjesë të qytetit ndahen nga lumi Tigër.