Ministri i Punëve të Brendshme, Xhelal Sveçla, ka publikuar pamje pas momentit të sulmit me granatë dore të objektit komunal të Komunës së Mitrovicës së Veriut natën e së hënës.

Sveçla, me anë të një postimi në ‘Twitter’ ka thënë se Serbia mban përgjegjësi për sjellje armiqësore, teksa ka kërkuar që të ndalen sulmet, shkruan Gazeta Insajderi.

“Vazhdon agresioni i Vuçiqit. Sulmi terrorist i mbrëmshëm kundër ndërtesës së Komunës në Mitrovicën e Veriut është edhe një tentativë për përshkallëzim dhe destabilizim. Serbia duhet të mbajë përgjegjësi për sjelljen armiqësore. Sulmet duhet të ndalen tani”, ka shkruar Sveçla.

The aggression of Vucic continues. Last night terrorist attack against the Municipal building in North Mitrovica is yet another attempt for escalation & destabilization. Serbia should be held responsible for their hostile behaviour. The attacks must stop now. pic.twitter.com/0fsp7OjeuR

— Xhelal Sveçla (@XSvecla) June 27, 2023

Policia e Kosovës ka njoftuar mbrëmë janë shkaktuar dëme materiale në dy vetura zyrtare, por që nuk ka pasur lëndime.

“Në orët e vona të mbrëmjes nga person/a të dyshuar është sulmuar me mjetë shpërthyes Komuna në Veri të Mitrovicës. Bazuar në informatat zyrtare dyshohet se në oborrin e objektit komunal në Mitrovicë, afër hyrjes së objektit është hedhur një mjet shpërthyes, i cili dyshohet të ketë qenë granat dore, me ç ‘rast ka shkaktuar disa dëme materiale në veturat zyrtare”, u tha në njoftimin e PK-së. /Insajderi.org/