Ministri i Punëve të Brendshme, Xhelal Sveçla, në Euronews Albania është pyetur nëse ka dyshime që pelegrinët në Manastirin e Banjskës janë të përfshirë në sulmin e së dielës ndaj Policisë së Kosovës.

Ai ka thënë se është duke u hetuar përfshirja e personelit të manastirit.

“Nuk mund të them për të gjithë pelegrinët, por jemi duke hetuar përfshirjen e personelit të manastirit në gjithë këtë aksion. Ka indicie se ka pasur përfshirje direkte, nuk mund të them më shumë në këtë moment, por jemi duke hetuar seriozisht edhe në këtë drejtim. Aksioni po vazhdon, ne po krehim terrenin, në vazhdimësi po zbulojmë armatim e pajisje të reja”, tha Sveçla.