Policia e Kosovës ka thirrur konferencë të jashtëzakonshme për media.

Në të kanë marrë pjesë ministri i Punëve të Brendshme, Xhelal Sveçla dhe drejtori i Policisë, Gazmend Hoxha.

Sveçla ka treguar për aksionet e policisë pas sulmit terrorist të kanalit të Ibër-Lepencit.

“Në orët e mëngjesit,  në dhjetë lokacione janë bërë kontrolle. Janë arrestuar dhe shoqëruar në Polici  tetë persona. Të dyshuar në përfshirje në aktivitete terroriste”, ka thënë ministri.