Deputeti i Partisë Demokratike të Kosovës, Abelard Tahiri, ka reaguar pas vendimit të Gjykatës Kushtetuese në lidhje me ngërçin institucional në Kuvend, duke theksuar se aktgjykimi e ka bërë të qartë se askush nuk ka të drejtë të vendosë për votim të fshehtë në mënyrë arbitrare.

Sipas Tahirit, Gjykata Kushtetuese konstatoi se vendimi për themelimin e Komisionit për Votim të Fshehtë në seancën konstituive ishte në kundërshtim me Kushtetutën dhe përfaqësonte një tentim për bllokadë politike përmes manipulimit të procedurave parlamentare.

“Ky është një aktgjykim i rëndësishëm që ndal një devijim të rrezikshëm kushtetues dhe vërteton se procedurat parlamentare nuk mund të përdoren si instrument bllokade politike,” u shpreh Tahiri.

Ai shtoi se që nga 15 prilli, Kuvendi është bllokuar, fillimisht për shkak të dështimit të grupit më të madh parlamentar për të zgjedhur Kryetaren e Kuvendit dhe më pas përmes propozimeve që shkelin rregullat dhe Kushtetutën.

Tahiri theksoi pesë pika kryesore të vendimit të Kushtetueses, ndër to:Rendi i ditës i seancës konstituive nuk mund të ndryshohet sipas vullnetit politik të ndonjë grupi; Askush nuk ka të drejtë të imponojë votim të fshehtë pa bazë kushtetuese; E drejta për të propozuar kryetarin nuk mund të përdoret si mjet për bllokadë; Grupi më i madh ka detyrim për kompromis me grupet tjera;

Kuvendi duhet të konstituohet brenda 30 ditësh nga aktgjykimi.

Deputeti i PDK-së tha se ai personalisht ka dorëzuar komente mbështetëse në Gjykatë në mbrojtje të rendit kushtetues, duke e cilësuar vendimin si fitore për demokracinë dhe funksionimin e institucioneve.

“Demokracia parlamentare nuk është pronë e askujt,” shkroi ai në Facebook./Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!