Ministrja për Dialog, Edita Tahiri, ka thënë se sjellja destruktive e Serbisë në procesin e normalizimit të marrëdhënieve me Kosovën mund ta vonojë themelimin e Asociacionit të komunave me shumicë serbe.

Tahiri, në një intervistë për gazetën “Epoka e Re”, ka bërë me dije se me moszbatimin e marrëveshjeve të Brukselit, Serbia është duke zvarritur fillimin e punës së grupit trepalësh për zhbërjen e strukturave paralele në Kosovë.

Ky veprim, sipas ministres Tahiri do të ndikojë në fillimin e punës për hartimin e statutit të Asociacionit të komunave me shumicë serbe.