Nesër më 14 gusht, pritet të fillojnë punimet për heqjen e barrikadës në urën mbi lumin Ibër në Mitrovicë.
Ministrja për Dialog, Edita Tahiri, ka deklaruar se punimet do të kryhen nga kompania që është kontraktuar nga Bashkimi Evropian.
“Plani për revitalizimin e urës, i përcaktuar me Marrëveshjen e Brukselit për këtë çështje i datës 25 gusht 2015, do të jetësohet me përpikëri dhe ura e Ibrit do të mundësojë lëvizjen e plotë të lirë të njerëzve dhe automjeteve ashtu siç ka qenë gjithnjë”, tha Tahiri.
Përmes një komunikate për media të kryeministrisë në të cilën është bashkangjitur edhe plani për rivitalizimin e urës, gjithashtu thuhet se për detajet e fillimit të punimeve, mediat duhet t’i drejtohen Zyrës së BE-së në Kosovë, “ e cila është e autorizuar për zbatimin e kësaj Marrëveshjeje”. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
