Kandidati i LDK’së për deputet, Arben Gashi, është shprehur i mahnitur nga tubimi madhështor në Rugovë të Pejës.

Gashi ka thënë se sot foli Rugova e ushtoi rugovizmi.

“Sot foli Rugova, sot ushtoi Rugovizmi! Sot e çun nalt djalin e tyne, Rexhep Kurtbogaj 64, e qysh dinë veç Rugovasit, na nderuen neve n’shpiën e tyne. Krenar me Rugovën, Rugovasit e Rugovizmin!

Ju, Rugovast e mi, që ma keni dashtë e nderu babën, e që gjithmonë keni qëndru besnikë ndaj vlerave tona, kam me ju dashtë e nderu tan jetën. Respekt e falënderim prej zemre për ju!”.

Gashi bart numrin 14 në listën zgjedhore të LDK’së, e cila radhitet me numrin 124 në fletëvotim.