Në verën e vitit 2022, përpara se Casemiro të largohej në befasi nga Real Madridi për t’u drejtuar te Manchester United, “Los Blancos” kishte nënshkruar tashmë me Tchouamenin, i cili, sipas planeve të tyre, do të ishte zëvendësuesi i brazilianit.

Në këmbim të 80 milionë eurove, Tchouameni nënshkroi për ekipin nga kryeqyteti spanjoll nga Monaco. Një shpenzim shumë i rëndësishëm për atë që në atë kohë konsiderohej strumbullari i së ardhmes, megjithëse roli i mesfushorit në Francë ishte i ndryshëm nga ai që do t’i kërkohej në Madrid.

Pavarësisht pritshmërive të mëdha të bëra për figurën e tij, realiteti është se në mesin e sezonit të tretë te bardhezinjtë, performanca e Tchouameni është larg asaj që pritej, transmeton Gazeta Express.

Nuk ka pasur asnjë evolucion pozitiv nga ana e tij, madje as një seri lojërash në një nivel të mirë. Tchouameni, sot, shquhet për pa rëndësi. Pavarësisht numrit të madh të mundësive që ka marrë, francezi është kthyer në një futbollist të parëndësishëm, i cili nuk të jep përshtypjen se ka kontribuar në asnjë nga aspektet.

Ancelotti i ka mohuar atij rolin e një futbollisti më të gjithanshëm që u ekspozua në Monako. Në zëvendësim të kësaj, italiani i kërkon atij që të jetë më i rëndësishëm në ndërtim, sidomos pas largimit të Kroos, por francezi mezi ia ofron veten bashkëlojtarëve dhe kur e bën nuk bie në sy, pikërisht për pasimet vertikale.

Sa i përket nivelit mbrojtës, nuk ka dyshim se fiziku i tij është i jashtëzakonshëm, por nga sa është parë deri tani në fushë, duket edhe mungesa e sakrificës. Francezi nuk është as afër performancës që ofroi braziliani Casemiro për kaq shumë vite.