Aeroportet nuk duhet të kenë mur betoni në fund të pistës, ka deklaruar një ekspert i aviacionit në lidhje me rrëzimin e aeroplanit në Kore të Jugut.

“Pa të, aeroplani do të kishte rrëshqitur e do të ishte ndalur, edhe nëse pajisjet e tij të uljes do të dështonin”, tha David Learmount.

LEXO EDHE:

“Kur e patë duke rrëshqitur nga fundi i pistës, asgjë nuk ishte në zjarr. Aeroplani ishte plotësisht nën kontroll”, tha ai, shkruan skynews.

“Aeroplani ishte mirë deri në momentin kur goditi murin. Nëse nuk do të kishte pasur mur atje, të gjithë do të ishin gjallë tani”, shtoi Learmount.

Learmount tha se ekuipazhet e përplasjes ishin gati dhe prisnin të shuanin çdo flakë të shkaktuar nga rrëshqitja.

“Arsyeja pse ai shkoi në të gjithë gjatësinë e pistës ishte sepse po shkonte kaq shpejt”, tha Learmount.