OBSH-ja ka lëshuar një alarm epidemiologjik me rrezik të lartë për virusin Oropouche në Amerikën Latine. Midis 1 janarit dhe 30 korrikut 2024, u konfirmuan 8078 raste të infeksionit. Në Brazil numërohen 7284 raste, 356 në Bolivi, 290 në Peru dhe 74 në Kubë dhe Kolumbi.

65% e totalit u regjistrua në Amazonën braziliane.

Megjithatë, sipas Organizatës Botërore të Shëndetësisë, transmetimi i etheve Oropouche është regjistruar gjithashtu në 10 shtete braziliane jashtë rajonit të Amazonës. Midis tyre është shteti Bahia, ku u raportuan edhe dy vdekje.

Të dhënat u bënë publike nga OPS (Organizata Shëndetësore Panamerikane). Sipas ekspertëve, rreziku i lidhur me virusin Oropouche po rritet për shkak të ndryshimeve klimatike, shpyllëzimit të Amazonës, urbanizimit të pakontrolluar dhe aktiviteteve njerëzore që ndikojnë në habitatin natyror, duke favorizuar kështu përhapjen e patogjenit.

Çfarë është virusi Oropouche dhe cilat janë simptomat? Oropouche i përket grupit të arboviruseve, si dengoja, chikungunya dhe zika, dhe paraqet si simptoma si: ethet, dhimbje koke, dhimbje muskujsh dhe kyçesh, si dhe marramendje, të dridhura, të përziera dhe të vjella.