Presidenti turk Recep Tayyip Erdogan ka reaguar pas sulmit terrorist mbi ministrinë e Brendshme në Ankara, duke thënë se nuk do të dorëzohen para akteve terroriste.

Fjalimi i tij u bë nga Asambleja e Përgjithshme disa orë pasi dy persona të armatosur sulmuan ndërtesën e ministrisë së Brendshme, ku njëri prej tyre vdiq, teksa tjetri u neutralizua nga policia turke.

Nga ky sulm mbetën të lënduar dy pjesëtarë të policisë.

“Aksioni i mëngjesit të sotëm, në të cilin u neutralizuan dy vrasës si rezultat i ndërhyrjes në kohë të njësive tona policore, është lufta e fundit e terrorizmit. Të poshtrit që synonin paqen dhe sigurinë e qytetarëve nuk kanë mundur t’i arrijnë qëllimet e tyre dhe nuk do t’i arrijnë kurrë ato. Si rezultat i operacioneve tona, është përgjegjësia për të çrrënjosur moralin në organizatat terroriste që po vdesin për kalkulime politike”, ka deklaruar Erdogan. /Insajderi.org/