Gjashtë vendet e Ballkanit kanë rënë dakord për një nismë të re të të rinjve që ka për qëllim nxitjen e bashkëpunimit dhe mirëkuptimit rajonal, raporton DeutcsheWelle.

Pas luftërave të përgjakshme në ish-Jugosllavi gjatë viteve të 90-ta, të rinjtë e Ballkanit Perëndimor u rritën në një ambient të përzier post-luftë.

Paragjykimet dhe jo-toleranca janë të pranishme, ndërsa situata politike dhe ekonomike janë ende të vështira. Rezultati: Zhgënjimi i gjithanshëm, pa shpresë dhe papunësi. Vetëm në Kosovë papunësia arrin në shifra të ulëta: mbi gjashtëdhjetë për qind e të rinjve kosovarë janë të papunë, sipas Programit për Zhvillim të Kombeve të Bashkuara.

Në kërkim për një të ardhme më të  mirë, gjashtë shtetet e Ballkanit, Shqipëria, Bosnja, Maqedonia, Kosova, Mali i Zi dhe Serbia, kanë ngritur një nismë për të “promovuar frymën e pajtimit dhe bashkëpunimit në mes të rinjve në rajon” përmes shkëmbimit të ideve.

Udhëheqësit e tyre sot nënshkruan në Paris dokumentin themelues të RYCO (Zyrës Rajonale të të rinjve për Bashkëpunim), me rastin e Samitit të Ballkanit Perëndimor, në të cilin kancelaria gjermane Angela Merkel, presidenti francez Francois Hollande, kancelari i Austrisë dhe ministri i Financave të Italisë janë takuar me krerët e Ballkanit Perëndimor për të diskutuar një mori temash në lidhje me politikat e migrimit, të sigurisë dhe bashkëpunimit ekonomik.

Sipas draft marrëveshjes që do të nënshkruhet në samitin e Parisit, palët e RYCO kanë rënë dakord për të mbështetur “ shkëmbimin rajonal të të rinjve, ndarjen e ideve mes tyre, si një bazë për bashkëpunim në të ardhmen, bazuar në vlerat e tolerancës dhe diversitetin”. /Insajderi.com