Policia e Kosovës ka njoftuar për një rast të dyshuar me të shtëna me armë zjarri, i cili ka ndodhur sot rreth orës 15:00 në Pejë.

Zëdhënësi i policisë për rajonin e Pejës, Fadil Gashi, konfirmoi për Insajderin se një zyrtar policor ka hasur në gëzhoja dhe njolla të gjakut afër spitalit të verbërve.

“Një zyrtar policor derisa ishte duke kaluar në afëri të spitalit të verbërve ka hasur në disa gëzhoja dhe njolla të gjakut. Në vendin e ngjarjes kanë dalur të gjitha njësitet kompetente dhe po hetojnë rastin”, ka thënë Gashi.