Telekomi i Kosovës ka njoftuar qytetarët për punën e bërë gjatë vitit 2024.

Nëpërmjet një komunikate për media, thuhet se përgjatë vitit që po e lëmë pas, ky institucion ka operuar me trend të përmirësimit të gjendjes financiare.

“Rritje të të ardhurave me 5.18%, krahasuar me periudhën e njëjtë, janar-nëntor, të vitit 2023. Po në këtë periudhë kohore, fitimi neto u rrit me 16%, duke arritur në 7 milionë euro”, shkruan në komunikatë.

Tutje, thuhet së është bërë edhe modernizimi teknologjik i rrjetit mobil VALA, ku 98.5% e territorit të banueshëm të Kosovës mbulohet me teknologjinë 4G/4G+.

Po ashtu është bërë edhe përfundimi i modernizimit të rrjetit mobil tani me mbulueshmëri 5G në 72% të territorit të banuar.

Janë hapur edhe pika të reja të shitjes në zona atraktive, dhe është rritur përdorimi i aplikacionit “Vala Jonë” me 68%.

Në vijim mund të gjeni njoftimin e plotë:

TELEKOMI 2024: Modernizoi rrjetin mobil, ndali hemorragjinë financiare, operoi me fitim

Edhe përkundër vështirësive, për shkak se dy herë na janë bllokuar llogaritë bankare, për gati 6 muaj, si rrjedhim i vendimeve gjyqësore të padrejta, të ndërlidhura me kontrata të shumë viteve më parë, megjithatë trendi i përmirësimit të gjendjes financiare të kompanisë, ka vazhduar pandalshëm përgjatë vitit 2024.

Kështu, përgjatë këtij viti, përkundër të gjitha vështirësive dhe me një punë të palodhshme, Telekomi i Kosovës arriti që:

– Të ndërrojë plotësisht teknologjinë mobile të vjetruar me teknologji të fjalës së fundit

– Të fillojë investime të reja në rrjetin fiks

– Të konsolidohet financiarisht

– Të formësojë dhe funksionalizojë strukturën e re organizative

– Të ofrojë pako të reja televizive, të shërbimeve me zë dhe të internetit, shumë atraktive

–  Të jetë më afër konsumatorëve

Në vitin 2024, Telekomi i Kosovës Sh.A ka bërë përparime të rëndësishme për t’ju ofruar shërbime më të mira përmes teknologjisë më të avancuar! Në vazhdim, vetëm disa nga të arriturat e vitit 2024:

Modernizimi teknologjik i rrjetit mobil VALA

ü  Përfundimi i modernizimit të rrjetit mobil VALA – tani me mbulueshmëri 5G në 72% të territorit të banuar dhe shpejtësi deri në 1Gbps nëpër qytetet e Kosovës.

ü  98.5% e territorit të banueshëm të Kosovës mbulohet me teknologjinë 4G/4G+ për shërbime të shpejta dhe të qëndrueshme.

Zgjerimi i rrjetit Fiks

ü  Nisja e projektit për zgjerimin dhe modernizimin e rrjetit optik në mbarë Kosovën, duke siguruar shërbime të internetit brezgjerë dhe përmbajtje televizive më të mira për të gjithë.

Performancë financiare dhe rritje

ü  Rritje të të ardhurave me 5.18%, krahasuar me periudhën e njëjtë, janar-nëntor, të vitit 2023.

ü  Po në këtë periudhë kohore, fitimi neto u rrit me 16%, duke arritur në 7 milionë euro.

Më pranë konsumatorëve

ü  Hapje e pikave të reja të shitjes në zona atraktive.

ü  Pako të reja televizive, të shërbimeve me zë dhe të internetit, në përputhje me nevojat e konsumatorëve.

ü  Rritje e përdorimit të aplikacionit “Vala Jonë” me 68%.

Për më shumë: www.kosovotelecom.com