Tri rojeve mbretërore britanike iu ra të fikët gjatë provave për një paradë në Londër përpara ditëlindjes së Mbretit Charles III. Kjo, për shkak të temperaturave të larta që po mbizotërojnë në Angli.

Temperaturat shkuan mbi 30 gradë për herë të parë përgjatë këtij viti, raportojnë mediat britanike.

Princi i Uellsit, William monitoroi provën e paradës së këtyre rojeve në qendër të Londrës.

“Një falënderim i madh për secilin ushtar që mori pjesë në paradë këtë mëngjes në këtë nxehtësi. Kushte të vështira por keni bërë një punë të mirë. Faleminderit”, shkroi Princi William.