Ministria e Punëve të Jashtme dhe Diasporës, ka dhënë sot një tender me procedurë të negociuar. Kontrata u dha për disa punime që do kryhen në objektin e MPJD-së, dhe kap vlerën prej 35 mijë euro. Megjithatë, pavarësisht që njoftimi për kontratë u dha sot, në këtë ministri kanë nisur punimet para disa ditëve.

Gazeta Insajderi

Ministrja e Punëve të Jashtme, Donika Gërvalla, ka mbajtur disa takime këtë muaj me diplomatë të huaj, në objektin e MPJD-së.

Ajo që ra në sy ishte se këta zyrtar u priten në ambient ku shiheshin skelet e vendosura për punë.

E tillë ishte edhe vizita e Ministres së Punëve të Jashtme të Finlandës.

Në pamjet nga takimi, Gërvalla u pa teksa mundohej të sqarohej para Ministres së Punëve të Jashtme të Finlandës, Elina Valtonen, se pse MPJD është në këtë gjendje.

A filluan punimet para publikimit të kontratës? – MPJD hesht

Fotoja e vendosur më lart u bë me 5 shtator. Aty shihet se janë duke u kryer punime në këtë ministri.

Por, që njoftimi për tender u dha sot. Kjo kontratë u dha në procedurë e negociuar pa publikim të njoftimit të kontratës.

MPJD për “Riorganizimi i hyrjes në MPJD-ë, ndarja hyrjes protokolare, rregullimi i paterit oborri, dhe fasadimi i objektit-PUNE SHTESE”, dha 35 mijë euro.

Me kontratë u shpërblye kompania “MBB Constrution”.

Gazeta Insajderi, ka dërguar në MPJD pyetje për të parë se pse kanë filluar punimet para publikimit të kontratës dhe cili është arsyetimi i tyre por që nuk ka marrë përgjigje.