Ani pse ishin duke humbur me një epërsi prej 14 pikësh, Trepça në fund ia doli që të triumfojë ndaj Vëllaznimit me rezultat 63:59 në kuadër të javës së 24-të të ProCredit Superligës.

Ndonëse ndeshjen më mirë e kishin nisur mysafirët të cilët patën epërsinë qysh nga fillimi, rikthimi i Trepçës ndodhi në pjesën e dytë.

Vendasit në periodën e tretë ishin për një nuancë më të mirë duke fituar me rezultat 20:14, para se të fitonin edhe në dhjetë minutat e fundit për të siguruar fitoren me rezultat 63:59.

Sidoqoftë, përtej rezultatit dhe luftës mes dy ekipeve në parket, ishte diçka tjetër që mori vëmendjen.

Trajneri i Trepçës, Adis Beciragiq, u përfshi në një përleshje me lojtarin e tij Mikaile Tmusic.

Për të mos eskaluar situata mes të dyve u desh intervenimi i lojtarëve të tjerë të Trepçës në një skenë e cila nuk u pëlqeu aspak tifozëve të pranishëm në palestrën ‘Minatori’.

Kujtojmë se pas 24 ndeshjeve, Trepça ka 16 fitore e tetë humbje, derisa Vëllaznimi numëron 11 fitore dhe 13 humbje./Telegrafi/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!