Një 55-vjeçar është arrestuar nga autoritetet e Shqipërisë, i cili dyshohet se tentoi të fuste në territorin e vendit 1000 fishekë arme gjahu dhe rreth 20 mijë euro të padeklaruara.
Sipas policisë, gjatë kontrollit në kamionin e K.A., shërbimet e Policisë Kufitare gjetën të fshehura në kabinë, 1000 fishekë arme gjahu, dhe rreth 20 000 euro, të cilat u sekuestruan në cilësinë e provës materiale, bashkë me kamionin, pasaportën dhe celularin e 55-vjeçarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
