Policia e Kosovës ka bërë të ditur se ka arrestuar një person i cili pas një mosmarrëveshjeje rreth disa mbeturinave, kishte shtënë me armë zjarri në drejtim të një personi tjetër.
Rasti ka ndodhur dje në fshatin Karaqevë e Ulët të Komunës së Kamenicës.
“Është arrestuar i dyshuari mashkull K-Shqiptar pasi që i njëjti pas një mosmarrëveshje rreth disa mbeturinave që i kishte hedh viktima i njëjti kishte shtënë me armë në drejtim të viktimës mashkull K-Shqiptar”, thuhet në komunikatën e policisë.
Raportohet se viktima nuk ka pësuar lëndime, përderisa nga i dyshuari është konfiskuar një revole e llojit TT që dyshohet se është përdorur në rast.
Me urdhër të prokurorit i dyshuari dërgohet në mbajtje./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
