Turqia është goditur sot nga një tërmet i fuqishëm me magnitudë 5.9 gradë të shkallës Rihter, ndonëse disa media lokale raportojnë se ai ishte edhe më i fortë dhe arrinte në 6.0 gradë.

Tërmeti u regjistrua në orën 10:46 me orën lokale me epiqendër në lagjen Kale, Malatya dhe u ndje edhe në Dijarbakır, Elazig dhe disa qytete të tjera në lindje të Turqisë.

Ministri i Brendshëm turk Ali Yerlikaya iu drejtua publikut me informacionin e parë pas tërmetit të fuqishëm.

“Gjithsej tre ndërtesa u shembën pjesërisht, nga një në Malatya, Sanliurf dhe Elazig. Nuk pati viktima njerëzore,” tha ai.

Tërmet është ndjerë në Anadollin lindor, Anadollin juglindor, si dhe në Siri, Gjeorgji dhe Armeni.