Duke filluar nga sot, Termokosi fillon sezonin e ri të ngrohjes.  Përmes një komunikate për media, Termokos ka njoftuar se ka përfunduar pjesa më e madhe e punimeve për rehabilitimin e rrjetit në qytet dhe renovimi komplet i 50 nënstacioneve të ngrohjes tanimë kanë përfunduar.

Por, siç njofton Termokosi, për shkak se punimet në dy segmente nuk kanë përfunduar ende, furnizimi me ngrohje për kompleksin universitar dhe disa objekte në qendër të qytetit, blloqet, rruga 3 si dhe në Zona Lindja, në lagjen “Kodra e diellit” do të nisë me disa ditë vonesë.