Në intervistë me “Daily Sabah”, shefi i BIK-ut e ka quajtur organizatë terroriste, FETO-n e Fethullah Gulenit dhe ka mohuar çdo lidhje me të.

“Ky grup terrorist së pari ka ardhur në Kosovë në vitin 1999 kur përfundoi lufta dhe tërhoqi pas vetës shumë akademikë, politikanë, intelektualë. Ne, si klerikë myslimanë e kemi refuzuar bashkëpunimin me ta, por ky grup ka ende mbështetje tek disa parti politike”, ka thënë Tërnava për gazetën turke Daily Sabah.

Njeriu i cili po akuzohet nga presidenti turk Rexhep Tajip Erdogan, se qëndron pas tentimeve për grusht shteti, Fetullah Gulen dhe lëvizja e tij “Hizmet”, kanë një rrjet të gjerë arsimor në Kosovë dhe Shqipëri.

Ky rrjet përfshin universitete, shkolla dhe çerdhe për fëmijë. /Insajderi.com