Policia e Kosovës përmes raportit 24 orësh ka dhënë detaje të reja lidhur me aksidentin që ndodhi të dielën në autostradën “Ibrahim Rugova”.

Policia ka njoftuar se në aksident janë përfshirë tri vetura, dhe se janë lënduar tetë persona.

Njëri nga personat e lënduar është dërguar në QKUK për shkak të lëndimeve të rënda.

“I dyshuari mashkull kosovar deri sa ishte duke e drejtuar automjetin e tij nga pakujdesia godet dy vetura tjera. Si pasojë e aksidentit lëndime trupore kanë marrë tetë persona kosovar dhe të njëjtit janë dërguar për tretman mjekësor në qendrën emergjente, kurse njëri për shkak të lëndimeve të rënda trupore është dërguar në QKUK për tretman të mëtutjeshëm”, ka njoftuar policia.

Rasti është nën hetime.